सातारा जिल्ह्यात १२२ नागरिकांना डिस्चार्ज; मृत्यूसत्र सुरूच | 08.08.20 | Today's Marathi Live News on Corona in Satara, Maharashtra |

सातारा : सातारा जिल्ह्यात विविध रुग्णालयात आणि कोरोना केअर सेंटरमध्ये उपचार घेत असलेल्या १२२ नागरिकांना आज दहा दिवसांनतर घरी सोडण्यात आले असून जिल्ह्याला काही प्रमाणात दिलासा मिळाला आहे. तर ४६५ जणांचे नमुने तपासणीसाठी पाठविण्यात आले आहेत. त्याचबरोबर दिवसभरात आणखी ४ कोरोनाबाधितांना आपला जीव गमवावा लागला आहे. सातारा येथील खाजगी रुग्णालयात फडतरवाडी (ता. खटाव) येथील ७४ वर्षीय पुरुष, रामदास कॉलनी, फलटण येथील ७४ वर्षीय पुरुष,  वाघोशी (ता. खंडाळा) येथील ६० वर्षीय पुरुष, जकातवाडी (ता. सातारा) येथील ४८ वर्षीय पुरुष अशा चार कोरोनाबाधितांचा उपचारादरम्यान मृत्यू झाला आहे. त्यामुळे आजच्या कोरोनाबळींची संख्या ८ झाली आहे. तसेच जिल्ह्यातील कोरोनाने दगावलेल्यांची संख्या १७१ पर्यंत पोहोचली आहे.

आज घरी सोडण्यात आलेल्या नागरिकांमध्ये जावली तालुक्यातील १५, कराड तालुक्यातील ७४, खटाव तालुक्यातील १, कोरेगाव तालुक्यातील १, माण तालुक्यातील २, पाटण तालुक्यातील ७, सातारा तालुक्यातील १७ व वाई तालुक्यातील ५ नागरिकांचा समावेश आहे. दरम्यान, क्रांतीसिंह नाना पाटील सर्वसाधारण रुग्णालय येथील ४५, कराडच्या स्व. वेणूताई चव्हाण उपजिल्हा रुग्णालय येथील ९, फलटण उपजिल्हा रुग्णालय येथील ४३, कोरेगाव १५, वाई येथील ३८, शिरवळ - खंडाळा येथील ७८, रायगाव येथील ११, पानमळेवाडी येथील ३६, मायणी येथील २०, महाबळेश्वर येथील १४, पाटण येथील १९, खावली येथील ३०, कृष्णा हॉस्पिटल, कराड येथील १०७ अशा एवूâण ४६५ जणांच्या घशातील स्त्रावांचे नमुने घेण्यात आले असून पुणे व कराड येथे तपासणीकरिता पाठविण्यात आले असल्याची माहिती जिल्हा शल्य चिकित्सक डॉ. आमोद गडीकर यांनी दिली.

सातारा जिल्हा अपडेट

घेतलेले एवूâण नमुने : ३२,१२७

एवूâण बाधित : ५,३७८

घरी सोडण्यात आलेले : २,६१५

मृत्यू : १७१

उपचारार्थ रुग्ण : २,५९२

पोस्ट आवडल्यास लाईक करा, शेअर करा व कमेंट बॉक्समध्ये आपल्या प्रतिक्रिया द्या.