महेंद्रसिंग धोनीचा आंतरराष्ट्रीय क्रिकेटला अलविदा; आयपीएल खेळणार

भारतीय क्रिकेट संघाचा माजी कर्णधार, धडाकेबाज आणि अष्टपैलू क्रिकेटपटू ‘कँप्टन कूल’ महेंद्रसिंग धोनीने आज अचानकपणे आंतरराष्ट्रीय क्रिकेटमधून निवृत्ती जाहीर करून क्रिकेट जगताला जोरदार धक्का दिला. बेस्ट फिनिशर असा लौकिक असलेल्या माहीने कारकिर्दीच्या शिखरावर असताना आंतरराष्ट्रीय टी २० व वनडे क्रिकेटमधूनही निवृत्तीची घोषणा केल्याने सर्वांच्याच भुवया उंचावल्या आहेत. 

आंतरराष्ट्रीय क्रिकेटमध्ये जबरदस्त कामगिरी केलेल्या माहीच्या भवितव्याविषयी अलीकडे बऱ्याच चर्चा झडत होत्या. त्या सर्व चर्चांना त्याने आज इन्स्टाग्रामवर ‘मै पल दो पल का शायर हू, पल दो पल मेरी कहानी है’ या गीताच्या धर्तीवर व्हीडीओ शेअर करून विराम दिला. जुलै २०१९ मध्ये झालेल्या विश्वचषकाच्या उपांत्य फेरीत त्याने विश्वचषकातील शेवटचा सामना खेळला होता. आयसीसीतर्फे आयोजित वन डे, टी २० चा विश्वचषक आणि चँपियन्स ट्रॉफी हे तिन्ही चषक जिंकून देणारा तो जगातील एकमेव यशस्वी कर्णधार ठरला आहे. तसेच कर्णधारपदाच्या कारकिर्दीत सर्वाधिक सामने जिंकण्याचा पराक्रमही त्याच्या नावावर नोंदवला गेला आहे. २०१४ साली ऑस्ट्रेलिया दौऱ्यावर असताना त्याने अशाच पध्दतीने कसोटी क्रिकेटमधून निवृत्तीची घोषणा करून सर्वांना धक्का दिला होता. त्यानंतर आज त्याने टी २० आणि वन डे क्रिकेटलाही अलविदा केले. दरम्यान, तो आयपीएल स्पर्धेत खेळत राहणार आहे.

Get  all live and latest Marathi news, Maharashtra news and  all  exclusive , top marathi news headlines from  politics, sports, ententertainment,  business, all events from satara ,  all cities of Maharashtra , India.

आजच्या ताज्या बातम्या - https://sataraupdates.blogspot.com/search/label/live%20updates?&max-results=5

पोस्ट आवडल्यास खालील आयकॉन्सवर क्लिक करून शेअर करा, कमेंट करा. साईटवर असलेल्या फ्लोटिंग आयकॉनवर क्लिक करून संपर्क साधू शकता. आणखी नवनवीन बातम्या व अपडेट्स मिळत राहण्यासाठी बेल आयकॉनवर क्लिक करा.