याबाबत बँकेने दिलेल्या पत्रकात त्यांनी म्हटले आहे, की जिल्ह्याच्या कृषी व ग्रामीण विकासासाठी कटिबद्ध असलेली जिल्हा बँक ३२० शाखा व ९५३ विकास सेवा संस्थांच्या माध्यमातून ग्राहकांना निरंतर बँकिंग सुविधा पुरवित आहे. ग्रामीण विकासाबरोबरच कृषी-औद्योगिकीकरणाचे धोरण गतिमान करण्यासाठी बँकेने विविध योजना राबविल्या आहेत. वसुली प्रोत्साहनासाठी व्याज परतावा योजना राबविणारी ही एकमेव बँक आहे. जिल्हा वार्षिक पत आराखाड्यात २०२० - २१ साठी एकूण पीक कर्जवाटपाचे उद्दिष्ट २२०० कोटी रुपये आहे. त्यापैकी जिल्हा बँकेचे उद्दिष्ट १३०० कोटी रुपयांचे आहे. खरीप पिकासाठी ९५० कोटी निश्चित केले असून २ लाख २६ हजार ७१३ शेतकरी सभासदांना १२७८ कोटींचे कर्जवाटप झाले आहे. उद्दिष्टाची १३४ टक्के पूर्तता करून बँकेने उल्लेखनीय काम केले आहे.
कोरोनाच्या प्रादुर्भावामुळे रिझव्र्ह बँकेच्या निर्णयानुसार पीक कर्ज परतफेडीस यंदा दि. ३१ ऑगस्टपर्यंत मुदतवाढ दिली आहे. अद्याप पीककर्जाची परतफेड करू न शकल्याने नवीन पीककर्जापासून वंचित राहिलेल्या शेतकरी सभासदांनी या मुदतीवाढीचा फायदा घेऊन कर्जफेड करावी. त्यातून शासनाच्या व्याज परतावा व इतर योजनांचा फायदा घ्यावा, असे आवाहन आमदार शिवेंद्रराजे व मुख्य कार्यकारी अधिकारी डॉ. राजेंद्र सरकाळे यांनी केले आहे.
आजच्या ताज्या बातम्या - https://satarAaAupdates.blogspot.com/search/label/live%20updates?&max-results=5
0 टिप्पण्या