Satara News : कोंबड्यांच्या मृत्युचे लोण पोहोचले कराड तालुक्यात

हणबरवाडीच्या १० किलोमीटर त्रिज्येतील क्षेत्र सतर्क भाग म्हणून घोषित

Satara News : खंडाळा तालुक्यापाठोपाठ कराड तालुक्यातही अज्ञात आजाराने कोंबड्या दगावल्याने खळबळ उडाली आहे. मसूरजवळील हणबरवाडी येथे हा प्रकार निदर्शनास आला असून मृत्युचे कारण अद्यापपर्यंत स्पष्ट झालेले नाही. त्यामुळे सर्व्हेक्षणाचे काम पूर्ण होईपर्यंत हणबरवाडीच्या १० किलोमीटर त्रिज्येतील क्षेत्र सतर्क भाग म्हणून घोषित करण्यात आले आहे.

कोंबड्यांना कोणते आजार झाले हे स्पष्ट झाले नसल्याने रोगाचा प्रसार जिल्ह्यात इतर ठिकाणी होण्याची शक्यता नाकारता येत नाही. या अनुषंगाने हणबरवाडी येथील सर्व्हेक्षणाचे काम पूर्ण होईपर्यंत जिल्हाधिकारी तथा जिल्हादंडाधिकारी शेखर सिंह यांनी प्रतिबंध नियंत्रण अधिनियम २००९ मधील तरतुदीनुसार हणबरवाडीच्या १० किलोमीटर त्रिज्येतील क्षेत्र सतर्क भाग म्हणून आदेशान्वये जाहीर केले आहे.

या आदेशाची प्रभावी अंमलबजावणी करण्यासाठी आवश्यकतेनुसार पोलीस बंदोबस्त पुरविण्यात यावा, असेही आदेशात जिल्हाधिकारी शेखर सिंह यांनी नमूद केले आहे.

• या आदेशानुसार... 

• प्रभावित क्षेत्राच्या ठिकाणी वाहनांच्या ये-जा करण्यास मनाई करण्यात आली असून त्या ठिकाणची खासगी वाहने प्रभावित परिसराच्या बाहेर लावण्यात यावीत. 

• प्रभावित क्षेत्रात जिवंत व मृत कुक्कुट पक्षी, अंडी, कोंबडीखत, पक्षीखाद्य, अनुषंगिक साहित्य व उपकरणास वाहतुकीस मनाई करण्यात येत आहे. 

• प्रभावित पोल्ट्री फार्मच्या परिसरात नागरिकांच्या हालचालीस तसेच इतर पक्षी आणि प्राण्यांच्या वाहतुकीस प्रतिबंध करण्यात येत आहे. 

• प्रभावित पोल्ट्री फार्मचे प्रवेशद्वार आणि परिसर २ टक्के सोडियम हायड्रोक्साईड किंवा पोटॅशियम परमॅग्नेटने (२ टक्के) निर्जंतुकीकरण करावे. 

• प्रभावित पोल्ट्री फार्ममधील पक्ष्यासंबंधीतच्या सर्व नोंदी व्यवस्थित ठेवण्याबाबत विशेष दक्षता घ्यावी. 

• प्रभावित क्षेत्राच्या १० कि. मी. त्रिज्येतील परिसरात प्रभावित पक्ष्यांच्या आजारांचे निदान अहवाल प्राप्त होईपर्यंत कुक्कुट पक्ष्यांची खरेदी - विक्रीची दुकाने, वाहतूक, बाजार व यात्रा, प्रदर्शन इत्यादी बाबी बंद राहतील.

Get all live and latest Marathi news, Maharashtra news and all exclusive, top marathi news headlines from politics, sports, ententertainment, business, all events from satara, all cities of Maharashtra, India.

आजच्या ताज्या बातम्या  

पोस्ट आवडल्यास खालील आयकॉन्सवर क्लिक करून शेअर करा, कमेंट करा. साईटवर असलेल्या फ्लोटिंग आयकॉनवर क्लिक करून संपर्क साधू शकता.

आणखी नवनवीन बातम्या व अपडेट्स मिळत राहण्यासाठी बेल आयकॉनवर क्लिक करा.

बातम्या व जाहिरातीसाठी संपर्क - 7588638613