गर्दी जमवल्याचा ठपका; यात्रा समितीवर गुन्हा दाखल करण्याचे आदेश
Satara News : कोरोनाच्या पार्श्वभूमीवर गावोगावच्या यात्रा - जत्रा साजऱ्या न करण्याचे आदेश जिल्हा प्रशासनाने दिले आहेत. असे असताना प्रशासनाचा आदेश डावलून ग्रामस्थांनी बगाड यात्रा भरवल्याने वाई तालुक्यातील पसरणी गावच्या यात्रा समितीवर गुन्हा दाखल करण्याचे आदेश तहसीलदार रणजित भोसले यांनी दिले आहेत.
कोरोनाचा प्रादुर्भाव वाढतच असल्याने गर्दी टाळण्यासाठी जिल्हा प्रसासनाने जमावबंदी आदेश लागू केला असून, यात्रा व लग्नकार्य यांना मोजक्याच लोकांना परवानगी देण्यात आली आहे. वाई तालुक्यातील मोठ्या प्रमाणात गर्दी होणाऱ्या यात्रांवरही बंदी घातली आहे. तशी पत्रे तहसीलदारांनी संबंधित गावांना दिली आहेत. त्यामध्ये पसरणीचा समावेश आहे. येथील काळभैरवनाथ बगाड यात्रेला दि. ३ रोजी मोठ्या प्रमाणात गर्दी झाली होती. याचा व्हिडीओ व्हायरल झाल्यानंतर तहसीलदार भोसले यांनी ग्रामसेवक व सरपंच यांना गुन्हे दाखल करण्याचे आदेश दिले आहेत.
बगाडासाठी गर्दी जमवल्याचा ठपका
शेकडो वर्षाची परंपरा खंडित होऊ नये म्हणून यात्रा समितीने काही मोजक्याच लोकांना घेऊन बगाड उभारले असून, शासनाने घालून दिलेल्या नियमांचे काटेकोर पालन केल्याचे सांगितले जात आहे. प्रशासनाने यात्रा कालावधीत धार्मिक विधी हा पुजारी व केवळ पाच लोक यांनी करण्याचे आदेश असतानाही पसरणीतील यात्रा समितीने बगाडासाठी गर्दी जमविल्याचा ठपका ठेवून तहसीलदरांनी यात्रा समितीवर कलम १८८ अन्वये फौजदारी गुन्हे दाखल करण्याचे आदेश दिले आहेत.
यात्रा समितीने पहाटे कमीत कमी लोकांसोबत शासनाने दिलेले नियम पाळून देवाची विधिवत पूजा व बगाडाचा कार्यक्रम करण्याचा निर्णय घेतला होता. बुधवारी पहाटे सहा वाजता मोजक्या लोकांच्या उपस्थितीत बगाड उभारण्याचा कार्यक्रम केला. यावेळी बध्यांची गर्दी झाली होती. प्रत्यक्षात बगाड उभारणारी मंडळी थोडीच होती, असे ग्रामस्थ सांगत आहेत.
Get all live and latest Marathi news, Maharashtra news and all exclusive, top marathi news headlines from politics, sports, ententertainment, business, all events from satara, all cities of Maharashtra, India.
पोस्ट आवडल्यास खालील आयकॉन्सवर क्लिक करून शेअर करा, कमेंट करा. साईटवर असलेल्या फ्लोटिंग आयकॉनवर क्लिक करून संपर्क साधू शकता.
आणखी नवनवीन बातम्या व अपडेट्स मिळत राहण्यासाठी बेल आयकॉनवर क्लिक करा.
बातम्या व जाहिरातीसाठी संपर्क - 7588638613
0 टिप्पण्या